Husets mat

250 g mandlar 100 g kokesjokolade 4 eggekviter 200 g sukker Mal mandlane og riv sjokoladen. Stivpisk eggekvitene saman med sukkeret, og vend i det øvrige. Legg på bakepapirkledd steikeplate med teskeier. Tørk makronene ved 150 grader i 15 min. 

Gode, gammaldagse lappar til kaffien, slik farmor laga dei. Smakar godt med syltetøy og rømme, smør og brunost eller smør og sukker. Denne porsjonen er diger - ofte lagar eg halv porsjon, og brukar då 3 egg. Lappane er best nysteikte, men glir fint ned neste dag òg. Ellers går det faktisk an å fryse dei. Ingrediensar: 5 egg 3 dl sukker 3 ts natron 2 ts vaniljesukker 300 g smelta smør 1 l kefir mjøl til passe røre (ca 9 dl) Pisk egg og sukker til eggedosis. Bland inn kefir og smør. Rør i dei turre ingrediensane. NB! Mjølmengda må tilpassast. Du skal ha i nok til at røra vert som tjukk vaffelrøre. Lat røra svelle i 30 min. Det er litt seigt å steike alle desse lappane i steikepanne, men det går an! Er du velsigna med ei takke, er jobben fort gjort. I ei steikepanne er det plass til 3 lappar. Når dei byrjar å stivne på toppen, samt at det dannar seg små "luftrør", kan du snu dei. Steik eit minutt eller to på neste side. 

I dag vart det kyllingburger til laurdagsmiddag - litt sunnare alternativ til "den vanlege" burgeren. Eg prøvde meg òg på søtpotetfries, men dei vart ikkje akkurat crispy.... Må nok prøve ut ulike teknikkar før dei vert skikkeleg gode, derfor ingen oppskrift på det i dag. Men, burgeren vart i alle fall god :-) 400 g kyllingkjøtdeig 1/2 raudløk 1/2 dl vatn 1 egg 1/2 ts salt 1/4 ts pepar Bland alle ingrediensane saman, form til burgere, og steik ca. 3-4 minutt på kvar side. Server med hamburgerbrød, salat og andre grønsaker etter ynskje (f.eks. tomat, løk, agurk, paprika...), eventuelt litt ost og dressing. For å gjere det heile endå litt mindre feitt, bruk mager cottage cheese i staden for dressing.

God og varmande chiligryte. Server med brød, nachochips og ein rømmeklatt. 1 kg kjøtdeig 1 finhakka løk 1 raud paprika i terningar 1 grøn paprika i terningar 2 fedd finhakka kvitløk 1 raud chili, finhakka 2 - 3 ts tomatpure 1 1/2 ts chilipulver 1 ts spisskummen 1 boks hermetiske tomater 2 boksar chilibønner litt vatn salt og pepar Brun kjøtdeigen i omgangar og ha den i ei gryte. Fres løk, kvitløk, chili og paprika i litt smør. Ha i gryta. Tilset krydder, hermetiske tomater, tomatpure og litt vatn. La koke til paprikaen er mør. Tilset til slutt chilibønnene (med væska), og la dei bli varme. Server! Tips: dersom du har ungar i heimen, er dei ikkje alltid så glade i "klumpar". Då kan du mose løk, kvitløk, paprika og hermetiske tomater med stavmiksar.

Denne paien, eller kaka, er ei kjapp og lettvint løysing dersom du vil servere noko godt til kaffien, anten det er bursdag, søndag eller kvardag. Ingen steiking. Botn: 75 g smør 3 dl havregryn 1/2 dl sukker ein liten neve hakka valnøtter Smelt smøret i ei steikepanne, og tilset dei andre ingrediensane. Rist på middels varme til sukkeret har løyst seg opp. Hell blandinga i ei paiform, og trykk den jamnt utover. Lat stivne i kjøleskap. Krem / fyll: 1 butt kremfløyte 3 dl melis 150 g Philadelphia kremost naturell Pisk krem av fløyte og melis. Tilset kremosten, og miks godt saman. Fordel ostekremen over botnen. Pynt med bær, t.d. bringebær eller blåbær.

Lett og god middag for dagar der du ikkje orkar å legga sjela di i matlaging :-) Eller ein perfekt rett for jenteklubben. 5 dl pastaskruer 1 beger rømme litt majones 1 raud paprika 1/2 løk ein pakke smårettskinke salt og pepar Kok pasta som anvist på pakken. Avkjøl. Kutt opp løk og paprika. Lag dressing av rømme, majones, salt og pepar. Bland alle ingrediensane saman. Ferdig! Server med brød eller rundstykker.  Du kan byte ut skinke med anna kjøt, t.d. kylling.

Denne franskinspirerte gryta var eg så modig at eg laga for fyrste gong då eg hadde rund dag og hadde invitert til middagsselskap! Vellukka vart den, og sidan har eg laga den mange gonger. Gryta passar best vinterstid, kanskje som søndagsmiddag? Sjølv om den krev at du legg litt tid i å førebu den, passar den seg sjølv når du først har fått oppi alt. Den vert ekstra god dersom den får putre leeenge. Aller best er den faktisk dagen etter! Oppskrifta rekk til 6 personar. 1,6 kg storfekjøt i terningar(gjerne mørbrad) 1 finhakka kinesisk kvitløk 2 ss provencekrydder 2 laurbærblad 150 g tomatpuré 1 flaske kalvefond 4,5 dl vatn 1/2 flaske raudvin 8-10 sjalottlauk delt i to 5 gulrøtter i stavar 1/2 sellerirot i stavar Salt og pepar Brun kjøtet i fleire omgangar, og legg det i ei gryte.  Tilset alle dei andre ingrediensane, unntatt gulrøtter og sellerirot.  Kok opp og la det putra 30 minutt, gjerne mykje lenger. Tilset grønsakene og kok vidare til dei er møre....

Kjært barn har mange namn - nokre kallar denne for Snickerskake. Den er veldig søt, nesten som konfekt å rekne, og krev ein sterk kopp kaffi attåt. Både vaksne og ungar elskar den! Spesielt sjokoladekremen er uimotståeleg....   Kakebotn: 3 eggekviter 3 dl sukker 2,5 dl peanøtter 20 Ritzkjeks Pisk eggekviter og sukker til stiv marengs. Knus peanøtter og kjeks. Vend smulane forsiktig inn i marengsen. Steik i ei rund, godt smurt, form, ca 24 cm, nederste rille.  175 grader, ca 30 minutt. Sjokoladekrem: 60 g margarin 100 g kokesjokolade 2 ts kaffi 3 eggeplommar 3 ss sukker Smelt margarin og sjokolade saman med kaffi. Pisk eggedosis av eggeplommar og sukker. Bland alt saman. Avkjøl heilt i kjøleskap. Det er viktig at kremen har riktig "smørekonsistens" før du brer den over kaka, ellers renn den av. Pynt: 3 dl kremfløyte 3 ts sukker Pisk krem. Legg den over sjokoladekremen. Pynt gjerne med nokre knuste peanøtter.

Desse bollane er fantastisk gode! Dei kan fyllast med det du måtte ynskje, t.d. vaniljekrem, marsipan, syltetøy, sjokoladebitar. Eller du kan tilsetje rosiner. Eller du kan late vere å ha noko i dei, og nyte dei med smør og brunost eller syltetøy på. Eller du kan lage kanelbollar av dei. I alle variantar eignar dei seg godt til frysing - viss dei ikkje vert oppetne med ein gong! Ingrediensar: 200 g smør 7 dl mjølk 75 g tørrgjær 2 dl sukker 2 ts kardemomme 1 ts hornsalt ca 16 dl kveitemjøl Smelt smøret. Bland i mjølka og varm til fingervarmt. Bland dei tørre ingrediensane i bakebollen, og rør saman. Tilset væska. Elt godt i kjøkenmaskin. Deigen vert gjerne litt laus. Vert den for laus, ha i litt meir mjøl. Hev deigen 1 time. Del i passande bolleemne. Etterhev ca 30 minutt. Pensle bollane med samanvispa egg. Steik ved 200 grader, ca 12 minutt. Avkjøl på rist.

Ein stor hit her i huset. Denne kaka vert alltid oppeten! Du treng: 4 eggekviter 1/4 ts salt 250 g sukker 2 ts maizena 1 ts kvitvinseddik Slik gjer du: Forvarm steikeomnen til 120 grader. Pisk eggekvitene sakte med saltet til dei dannar mjukt skum. Skru opp hastigheita til boblene i skummet er små og jamne. Når skummet dannar små toppar, tilset sukker, litt om gongen. Pisk til blandinga er mjuk og blank og alt sukkeret er oppløyst. Ikkje visp for lenge. Sikt i maizena, og bland eddik i marengsen.  Teikn opp ein sirkel på bakepapir, 24 - 26 cm. Form marengsen til ei kake i sirkelen. Steik kaka i minst 1 1/2 time nederst i omnen. Skru av varmen og la kaka avkjølast i omnen med døra på gløtt, gjerne over natta. Pynt (rett før den skal etast, ellers vert marengsen lett blaut) med ei blanding av krem og vaniljekrem, samt frisk frukt og bær.

Eg har leita lenge etter den perfekte vaffeloppskrifta. Endeleg fann eg ho! Du treng:  4 dl mjølk  2 dl lettrømme 4 egg 6 dl kveitemjøl 1 ss vaniljesukker 1 dl sukker 1 ts salt 1 ts kardemomme Bland alt saman med miksar, og lat røra svelle i minst 30 minutt.  Når du er klar for steiking, smelt 100 g meierismør og tilset i røra. Steik passe lenge. Avkjøl på rist.  Kjempegode med syltetøy og rømme, smør og sukker eller smør og brunost. Heilt nødvendig med god kaffi attåt!